பாஜக கவுன்சிலருக்கு கேக் ஊட்டிவிட்ட திமுக மேயர் - சஸ்பென்ஸாவே நடந்த சம்பவம்

தஞ்சை மாநகராட்சி மாமன்ற கூட்டத்தில், பாஜக கவுன்சிலருக்கு, மேயர் ராமநாதன் பாட்டுப்பாடி பிறந்தநாள் வாழ்த்து தெரிவித்தார்.மேயர் ராமநாதன் தலைமையில் இன்று மாமன்ற கூட்டம் நடைபெற்றது. அப்போது, பாஜக உறுப்பினர் ஜெய்சதீஷின் பிறந்நாள் என்பதை அறிந்த மேயர், கேக் வாங்கி வரச் செய்தார். பின்னர், பாஜக உறுப்பினரை மேடைக்கு வரவழைத்து, கேக் வெட்டியும், பொன்னாடை போர்த்தியும், சால்வை அணிவித்தும் வாழ்த்து தெரிவித்தார். தொடர்ந்து, திமுக, அதிமுக, அமமுக உள்ளிட்ட கட்சிகளைச் சேர்ந்த உறுப்பினர்களும் பாஜக கவுன்சிலருக்கு கட்சி வேறுபாடு இன்றி வாழ்த்து தெரிவித்தனர். இதனால், மாமன்ற கூட்டம், கலகலப்பாக காணப்பட்டது.