பிரெஞ்சு ஓபன் கிராண்ட் ஸ்லாம் டென்னிஸ் தொடர்..சாம்பியன் பட்டம் வென்றார் ஜோகோவிச்

பிரான்சின் பாரிஸ் நகரில் நடைபெற்ற ஆடவர் ஒற்றையர் பிரிவு இறுதிப் போட்டியில், நார்வே வீரர் காஸ்பர் ரூட் உடன் ஜோகோவிச் மோதினார். இந்த போட்டியின் ஆரம்பம் முதலே ஆதிக்கம் செலுத்திய ஜோகோவிச், முதல் செட்டை டை-பிரேக்கரில் 7க்கு 6 என்ற புள்ளிகள் கணக்கில் கைப்பற்றினார். 2வது செட்டிலும் அதிரடியாக ஆடிய ஜோகோவிச், 6க்கு 3 என்ற கணக்கில் அதனை வென்றார். பின்னர் 3வது செட்டை 7க்கு 5 என்ற கணக்கில் வசப்படுத்திய ஜோகோவிச், 3வது முறையாக பிரெஞ்சு ஓபன் பட்டத்தை முத்தமிட்டார். மேலும் ஒட்டுமொத்தமாக ஆடவர் டென்னிஸில் 23வது கிராண்ட்ஸ்லாம் வென்ற ஜோகோவிச், நடாலைப் பின்னுக்குத் தள்ளி, அதிக கிராண்ட்ஸ்லாம் வென்ற வீரர் என்ற சாதனையையும் படைத்துள்ளார்.