- ரசிகர்களின் ஆதர்ச நாயகன்... சென்னையின் தலைமகன்... கோடிக்கணக்கானோரின் உணர்வுகளில் நிறைந்திருக்கும் நம்பிக்கை நட்சத்திரம்...
- கேப்டன் கூலாக கொண்டாடப்படும் மகேந்திரசிங் தோனியின் சென்னை வருகை, ரசிகர்களை மகிழ்ச்சிப் பெருங்கடலில் திக்குமுக்காட வைத்துள்ளது.
- மீண்டும் ஒருமுறை சென்னை மண்ணில் கால்பதித்த தோனிக்கு, மலர்தூவி, மேள தாளங்கள் முழங்க வழக்கம்போல் உற்சாகமாக வரவேற்பு அளிக்கப்பட்டது.
- 16வது ஐபிஎல் தொடருக்காக சென்னை வந்துள்ளார் எம்.எஸ். தோனி... இன்றிலிருந்து சென்னை அணியின் பயிற்சி முகாம் ஆரம்பம் ஆகிறது. வருகிற 31ம் தேதி முதல் போட்டியில் குஜராத்துடன் மோதுகிறது சென்னை...
- 2018ம் ஆண்டு சாம்பியன்... 2019ல் ரன்னர்-அப்... 2020ல் 7ம் இடம்... 2021ல் மீண்டும் சாம்பியன்... கடந்த ஆண்டு 9ம் இடம் என சென்னை அணியின் சமீபத்திய ஐபிஎல் பயணம் நீள்கிறது.
- எல்லாவற்றுக்கும் மேலாக இது தோனியின் கடைசி ஐ.பி.எல். தொடர்... சென்னை மண்ணில்தான் தனது கடைசிப் போட்டி நடக்கும் என தோனி நம்பிக்கை தெரிவித்து இருப்பதால், எல்லைகளற்ற எதிர்பார்ப்புடன் காத்திருக்கின்றனர் ரசிகர்கள்...
- புன்னைகை பூக்கும் முகத்துடன்... கோப்பையுடன் தோனி விடைபெற வேண்டும் என்பதே சென்னை அணியினரின் விருப்பம்... என்றாலும் இந்த ஐபிஎல் தொடர் எப்படி முடிந்தாலும் தோனியின் இருப்பு ரசிகர்களுக்கு கொண்டாட்டம்தான்...
- சென்னையின் நாயகன் மீண்டும் வந்துள்ளார். சேப்பாக்கம் களத்தில் தல தரிசனத்திற்கு தயாராகி உள்ளனர் ரசிகர்கள்...