ஊருக்குள் ஒய்யாரமாய் சுற்றி திரிந்த காட்டு யானை... மயக்க ஊசி செலுத்திய வனத்துறை

தர்மபுரி மாவட்டம் பாலக்கோடு, பாப்பாரப்பட்டி உள்ளிட்ட பகுதிகளுக்கு உணவு தேடி வரும் காட்டு யானைகள், ஊருக்குள் புகுந்து விளை நிலங்களை சேதப்படுத்தி வருகின்றன.

இதனிடையே இந்த யானைகளை விரட்டுவதற்காக வனத்துறையினர் கும்கி யானை வரவைத்தனர்.

இந்தநிலையில் ஈச்சம்பள்ளம் கிராமத்திற்கு வந்த காட்டு யானைக்கு, கும்கி யானை உதவியோடு வனத்துறையினர் மயக்க ஊசி செலுத்தியுள்ளனர்.

யானை முழுவதுமாக மயக்கமடைந்ததும் அதனை பிடித்து காப்புக் காட்டுக்குள் விட ஏற்பாடு செய்யப்பட்டுள்ளதாக வனத்துறையினர் தெரிவித்துள்ளது குறிப்பிடத்தக்கது.