அதிவேகத்தில் மோதிக் கொண்ட பேருந்துகள்...பிஞ்சு உயிரை பறித்த கோர விபத்து - பதைபதைக்கும் காட்சிகள்

ஜம்மு காஷ்மீரில் ஒரு பேருந்து மீது, மற்றொரு பேருந்து மோதிய விபத்தில் 13 வயது சிறுமி உட்பட 3 பேர் பரிதாபமாக உயிரிழந்தனர். ஜம்முவில் இருந்து கத்துவா மற்றும் ஹரித்வார் பகுதிகளுக்கு இரு பேருந்துகள் பயணிகளுடன் சென்றுக் கொண்டிருந்தன. பதான்கோட் தேசிய நெடுஞ்சாலையில் ஒன்றன் பின் ஒன்றாக சென்று கொண்டிருந்த பேருந்துகள், கட்டுப்பாட்டை இழந்து மோதிக் கொண்டன. இதில் முன்னே சென்ற பேருந்தின் பின்பகுதி பலத்த சேதமடைந்ததால், சிறுமி உட்பட 3 பேர் சம்பவ இடத்திலேயே உயிரிழந்தனர். விபத்தில் படுகாயமடைந்த 17 பேருக்கு சிகிச்சை அளிக்கப்பட்டு வருகிறது. அதில் 7 பேரின் நிலை கவலைக்கிடமாக இருப்பதாக போலீஸ் தரப்பில் கூறப்பட்டுள்ளது