குஜராத்தில் இமாலய வெற்றி... பாஜகவினர் உற்சாக கொண்டாட்டம்.. குஜராத்தில் 7வது முறையாக பாஜக ஆட்சி

குஜராத்தில் 150 தொகுதிகளுக்கு மேல் முன்னிலை வகிக்கும் பாஜக, ஆட்சியை தக்கவைத்துள்ளது. குஜராத்தில் மொத்தம் உள்ள 182 சட்டசபை தொகுதிகளுக்கு கடந்த 1 மற்றும் 5-ந் தேதிகளில் தேர்தல் நடைபெற்றது. வாக்கு எண்ணிக்கை தற்போது நடைபெற்று வரும் நிலையில், 150க்கும் மேற்பட்ட தொகுதிகளில் பாஜக முன்னிலை வகித்து வருகிறது. காங்கிரஸ் கட்சி 17 இடங்களிலும், ஆம்ஆத்மி கட்சி 5 இடங்களிலும் மட்டுமே முன்னிலையில் உள்ளது. இதன் மூலம் குஜராத்தில், 7-வது முறையாக பாஜக ஆட்சி அமைப்பது உறுதியாகியுள்ளது. இதையடுத்து பல்வேறு பகுதிகளில் பாஜக தொண்டர்கள் வெற்றியை கொண்டாடி வருகின்றனர்..