கர்நாடக தலைநகர் பெங்களூருவில், வாங்கிய சிகரெட்டிற்கு பணம் கேட்ட பேக்கரி கடை உரிமையாளர் மற்றும் ஊழியர்களை 3 பேர் கொண்ட கும்பல் தாக்கும் சிசிடிவி காட்சி வெளியாகியுள்ளது. மார்த்தஹல்லி பகுதியில் இயங்கி வரும் கடையில், இருசக்கர வாகனத்தில் வந்த 3 பேர், தேநீர் அருந்திவிட்டு, சிகரெட் வாங்கியுள்ளனர். கடை உரிமையாளர் பணத்தைக் கேட்டபோது, அந்தக் கும்பல் தர மறுத்துள்ளது. அப்போது நடந்த வாக்குவாதத்தின்போது, அந்தக் கும்பல், கடையில் இருந்தவர்களை கண்மூடித்தனமாக தாக்கியது. இதுதொடர்பான புகாரின் பேரில், 3 பேரை போலீசார் தேடி வருகின்றனர்.