குமரி மாவட்டம் சிற்றாறு அரசு ரப்பர் தோட்ட பெண் தொழிலாளியை கணவர் கண்முன்னே யானை மிதித்துக் கொன்ற சம்பவம் சோகத்தை ஏற்படுத்தி உள்ளது. ரப்பர் பால் எடுப்பதற்காக சக தொழிலாளர்களுடன் ஞானவதி என்பவரும் இன்று சென்றுள்ளார். அப்போது, அங்கு வந்த யானைக் கூட்டம் தொழிலாளர்களை விரட்டி உள்ளது. தொழிலாளர்கள் அலறியடித்து ஓடியபோது, ஞானவதி என்பவரை யானை ஒன்று மிதித்தது. இதில் சம்பவ இடத்திலேயே ஞானவதி பலியானார். இதனிடையே, யானைகளை விரட்ட எந்தவித நடவடிக்கையும் மேற்கொள்ளப்படவில்லை என தொழிலாளர்கள் குற்றம்சாட்டியுள்ளனர்.