கடையை சூறையாடி பணத்தை திருடி ஆபாசமான வார்த்தைகளில் பேசி பலர் தன்னிடம் தவறாக நடக்க முயன்றதாக, ராணுவ வீரர் மனைவி கீர்த்தி தெரிவித்துள்ளார்.
திருவண்ணாமலை மாவட்டம் கலசப்பாக்கம் தொகுதி, படவேடு பகுதியை சேர்ந்தவர் கீர்த்தி இவரது கணவர் காஷ்மீர் பகுதியில் ராணுவத்தில் ஹவில்தாராக பணியாற்றி வருகிறார். கீர்த்தியின் தந்தை செல்வ மூர்த்தி தான் நடத்தி வரும் பேன்சிக்கடையை காலி செய்ய மறுத்த விவகாரத்தில் வாக்குவாதம் முற்றி கைகலப்பு ஏற்பட்டது. இது குறித்து ராணுவ வீரர் பிரபாகரன் அனுப்பிய வீடியோ வைரலானது. இந்நிலையில் ராணுவ வீரர் மனைவி கீர்த்தி வேலூர் அடுக்கம்பாறை அரசு மருத்துவமனையில் சிகிச்சைக்காக அனுமதிக்கப்பட்டுள்ளார். கடையை பலர் சூறையாடி பணம் உள்ளிட்ட பலவற்றை எடுத்துக்கொண்டு சென்றதாகவும் பலர் தவறான முறையில் நடந்து கொண்டதாகவும் கீர்த்தி தெரிவித்துள்ளார்.