திடீரென கேட்ட சத்தம்.. அடுத்த சில நிமிடத்தில் - அவசரமாக தரையிறக்கப்பட்ட டெல்லி விமானம்

ராஜஸ்தானில் இருந்து புறப்பட்ட விமானத்தில், பயணியின் செல்போன் பேட்டரி வெடித்ததால் அவசரமாக தரையிறக்கம் செய்யப்பட்டது. உதய்பூரில் இருந்து டெல்லி செல்லும் அந்த விமானம், புறப்பட்ட சில நிமிடங்களில், ஒரு பயணியின் செல்போன் பேட்டரி திடீரென வெடித்ததால் பரபரப்பு ஏற்பட்டது. இதையடுத்து, பயணிகள் அனைவரும் வெளியேற்றப்பட்டு, விமானத்தின் தொழில்நுட்ப குழுவினர் விமானத்தை முழுமையாக பரிசோதித்து ஒப்புதல் அளித்த பின்னர் விமானம் மீண்டும் புறப்பட்டுச் சென்றது.