கட்டுப்பாட்டை இழந்த அதிவேக கார்... சாலையோர டூ-வீலர்கள் மீது மோதி பற்றி எறியும் காட்சி

திருச்சி மாவட்டம், மணப்பாறை அருகே ஓட்டுனரின் கட்டுப்பாட்டை இழந்து சென்ற கார், சாலையோரம் நின்று கொண்டிருந்த இரு சக்கர வாகனங்கள் மீது மோதியதில், 6 பேர் காயமடைந்தனர். கடலூரில் இருந்து மதுரைக்கு சென்ற அந்த கார், மணப்பாறை அருகே, மழைக்காக இருசக்கர வாகனங்களுடன் ஒதுங்கி நின்றவர்கள் மீது மோதியது. இதில், இரு சக்கர வாகனங்களில் அமர்ந்திருந்த 6 பேர் காயமடைந்தனர். அப்போது, ஒரு மின்சார இருசக்கர வாகனம் திடீரென்று தீப்பிடித்து எரிந்ததால் பரபரப்பு ஏற்பட்டது. அருகில் இருந்தவர்கள் விரைந்து சென்று தீயை அணைத்ததால் பெரும் அசம்பாவிதம் தவிர்க்கப்பட்டது.