டூவீலரில் சென்றவர் மீது விழுந்த ராட்சத மரம் -காப்பாற்ற முடியாமல் அலறி துடித்தபடி உயிர் பறிபோன சோகம்

ஹாசன் மாவட்டத்தின் கள்ள சோமனஹள்ளி பகுதியில் இருக்கும் சாலையோரத்தில் ராட்சத மரம் ஒன்று இருந்தது. இந்த நிலையில், அவ்வழியாக ரங்கஷெட்டி என்பவர் இருசக்கர வாகனத்தில் சென்று கொண்டிருந்த போது, ராட்சத மரம் திடீரென முறிந்து விழுந்தது. அதில், இருசக்கர வாகனத்துடன் சிக்கி கொண்ட ரங்கஷெட்டி, படுகாயமடைந்ததுடன் காப்பாற்றும்படி கதறினார். அங்கு கூடியிருந்தவர்கள் மரத்தை அகற்ற முயன்றும் முடியாமல் போனதால், செய்வதறியாது திகைத்தனர். உடனடியாக பொக்லைன் எந்திரம் வரவழைக்கப்பட்டு மரத்தை அகற்ற முயன்றனர். அதற்குள் மரம் விழுந்ததில் அதிகளவில் ரத்தம் வெளியேறிய ரங்கஷெட்டி, காப்பாற்றும்படி கூறிக் கொண்டே பரிதாபமாக உயிரிழந்தார்.