299 கி.மீ வேகம்..புல்லட்டில் வீலிங்.."மஞ்சள் வீரன்"ஆக டிடிஎஃப்..சூலத்துடன் சீறிப்பாயும் வாசன்
பிரபல யூடியூபர் டிடிஎஃப் வாசன் ஹீரோவாக நடிக்கும் திரைப்படத்தின் ஃபர்ஸ்ட் லுக் போஸ்டர், அவருடைய பிறந்தநாளான இன்று வெளியாகியுள்ளது.
யூடியூப்பில் பைக் விலாகுகள் செய்தும், பைக் தொடர்பான சாகச வீடியோக்களை பதிவிட்டும் பிரபலமானவர் டிடிஎஃப் வாசன். அடிக்கடி போக்குவரத்து விதிகளை மீறி போலீசாரால் அபராதம் விதிக்கப்பட்டு சர்ச்சைக்கு உள்ளாகும் டிடிஎஃப் வாசன் சினிமாவில் ஹீரோவாக நடிக்கவிருப்பதாக சில நாட்களுக்கு முன்பு தகவல் வெளியானது. இந்நிலையில், டிடிஎஃப் வாசனின் பிறந்தநாளான இன்று, அவரது படத்தின் ஃபர்ஸ்ட் லுக் போஸ்டர் வெளியாகியுள்ளது. மஞ்சள் வீரன் என பெயரிடப்பட்டுள்ள அப்படத்தின் போஸ்டரில், பைக்கில் சீறிப்பாயந்த படி கையில் ஈட்டியுடன் வாசன் காட்சியளிப்பது இணையத்தில் வைரலாகி வருகிறது.