காங்கிரஸ் தலைவராக இன்று பதவியேற்கிறார், மல்லிகார்ஜூன கார்கே

காங்கிரஸ் கட்சியின் தேசியத் தலைவராக மல்லிகார்ஜுன கார்கே இன்று பொறுப்பேற்க உள்ளார்.

கடந்த 17ஆம் தேதி நடைபெற்ற அகில இந்திய காங்கிரஸ் தலைவருக்கான தேர்தலில், ச‌சிதரூரை விட 6 ஆயிரத்து 600க்கும் மேற்பட்ட வாக்குகள் கூடுதலாக பெற்று வெற்றி பெற்றார்.

இதையடுத்து, காங்கிரஸ் கட்சியின் தேசியத் தலைவராக தேர்ந்தெடுக்கப்பட்டார்.

இதையடுத்து டெல்லியில் இன்று பதவியேற்பு விழா நடைபெற உள்ளது.

விழாவில், காங்கிரஸ் மூத்த தலைவர்கள், காங்கிரஸ் ஆளும் மாநில முதலமைச்சர்கள், முன்னாள் முதலமைச்சர்கள், எம்பிக்கள், காங்கிரஸ் மாநிலத் தலைவர்கள் உள்ளிட்டோர் பங்கேற்க உள்ளனர்.