தாயுடன் சாலையில் நடந்து சென்ற குழந்தை.. காரில் கடத்த முயன்ற இளைஞர்

அமெரிக்காவின் நியூயார்க் நகரில், சாலையில் நடந்து சென்ற குழந்தையைக் காரில் கடத்த முயற்சி செய்யும் அதிர்ச்சி வீடியோ வெளியாகி பரபரப்பை ஏற்படுத்தியுள்ளது. 5 வயது குழந்தை ஒன்று குயின்ஸ் பகுதியில், தன் தாயுடன்  நடைபாதையில் நடந்து சென்றது. அப்போது திடீரென்று காரில் இருந்து இறங்கிய இளைஞர் ஒருவர், குழந்தையைக் கடத்தி காரில் ஏற்றினார். இதை சற்றும் எதிர்பாராத அந்தத் தாய், வலுக்கட்டாயமாக குழந்தையை காரில் இருந்து மீட்டார். அதிர்ஷ்ட வசமாக குழந்தைக்கு காயம் ஏதும் ஏற்படவில்லை. இந்நிலையில், சிசிடிவி பதிவுகளின் அடிப்படையில், குற்றவாளியான 24 வயதான ஜேம்ஸ் மெகோனக்கல் என்ற இளைஞரைப் போலீசர் கைது செய்தனர்.