இத்தாலியில் தவிக்கும் இந்திய மாணவர்கள் - மருத்துவச் சான்று இல்லாததால் பரிதவிப்பு

இத்தாலியில் இருந்து நாடு திரும்ப முடியாமல் இந்திய மாணவர்கள் பரிதவித்து வருகின்றனர். நேற்றிரவு 11.30 மணிக்கு இத்தாலியில் இருந்து விமானம் ஒன்று இந்தியாவிற்கு புறப்பட்டுள்ளது. இதில் பயணம் செய்வதற்காக 80 மாணவர்கள் உள்பட 110 பேர்  விமான நிலையத்திற்கு வந்துள்ளனர். அப்போது அவர்களிடம் கொரோனா குறித்த மருத்துவச் சான்று கேட்கப்பட்டுள்ளது. ஆனால், அந்த மருத்துவ சான்று இல்லாததால், அவர்களுக்கு போர்டி​ங் பாஸ் வழங்கப்படவில்லை என தெரிகிறது. இதையடுத்து அவர்கள் இந்தியா திரும்புவதில் சிக்கல் ஏற்பட்டுள்ளது. மத்திய அரசு இதுகுறித்து நடவடிக்கை எடுக்க வேண்டும் என அவர்கள் கோரிக்கை விடுத்துள்ளனர்.