அடுத்தடுத்து 2 எண்ணெய் கப்பல்கள் மீது தாக்குதல் : வளைகுடா பகுதியில் பதற்றம்

ஓமன் வளைகுடா பகுதியில் சென்றுகொண்டிருந்த நார்வேக்கு சொந்தமான எண்ணெய் கப்பலில் அடுத்தடுத்து மூன்று வெடிகுண்டு தாக்குதல் நடத்தப்பட்டது. இதேபோல் சிங்கப்பூருக்கு சொந்தமான சரக்கு கப்பல் மீதும் தாக்குதல் நடத்தப்பட்டுள்ளது. இதனிடையே தாக்குதல் நடத்தப்பட்ட கப்பல்களில் கொண்டுவரப்பட்டது கெமிக்கல் என்றும் எண்ணெய் இல்லை என்றும் ஜப்பான் தெரிவித்துள்ளது.  இதேபகுதியில் கடந்த மே மாதம் சவுதிக்கு சொந்தமான 2 எண்ணெய் கப்பல்கள் உட்பட நான்கு எண்ணெய் கப்பல் மீது தாக்குதல் நடத்தப்பட்டது. அடுத்தடுத்த எண்ணெய் கப்பல்கள் மீது தாக்குதல் நடத்தப்படுவது வளைகுடா பகுதியில் பதற்றத்தை ஏற்படுத்தியுள்ளது. இந்த தாக்குதல்களால் உலகளவில் எண்ணெய் விலை 4 சதவீதத்திற்கு அதிகமாக உயர்ந்துள்ளது.தாக்குதல் குறித்து தீவிர விசாரணை மேற்கொள்ளப்பட்டு வருவதாக அமெரிக்கா தரப்பில் தெரிவிக்கப்பட்டுள்ளது. இதனிடையே இந்த சந்தேகத்திற்குரிய தாக்குதல் குறித்து பிராந்திய பேச்சுவார்த்தை நடத்த வேண்டும் என ஈரான் அழைப்பு விடுத்துள்ளது.