"குறுவையம் போச்சு.. சம்பாவ காப்பாத்த உயிரை விட்டுட்டு இருக்கோம்" - வயலுக்கு குடத்தில் தண்ணீர் தெளிக்கும் விவசாயிகள்

வேளூர் கிராமத்தை சேர்ந்த விவசாயி ஐயப்பன், தனது நிலத்தில் சம்பா சாகுபடி செய்துள்ளார். போதிய தண்ணீர் இல்லாத காரணத்தால் வயல்கள் வெடித்து, பயிர்கள் கருகும் நிலை ஏற்பட்டிருப்பதாக வேதனை தெரிவித்த அவர், எப்படியாவது இந்த பயிரை காப்பாற்றினால் தான் வாங்கிய கடன்களை அடைக்க முடியும் எனக் கூறினார். பயிர்களை காக்கும் வகையில் அருகே உள்ள பாசன கால்வாயில் இருந்து குடங்களில் தண்ணீர் எடுத்து வந்து, வயலில் ஊற்றி பயிர்களை காப்பாற்ற போராடி வருகிறார். வயலில் படுத்து நெஞ்சில் அடித்து விவசாயி புலம்பும் காட்சி காண்போர் மனதை கலங்க வைத்துள்ளது.