சுயம்புவாக தோன்றிய விநாயகர் சிலையில் திடீர் மாற்றம்.. பார்த்ததும் அதிர்ந்த கோயில் காவலர்

கோவை வெள்ளியங்கிரி மலையில், சுயம்புவாக தோன்றிய தான்தோன்றி விநாயகர் சிலை சேதம் அடைந்திருப்பது அதிர்ச்சியை ஏற்படுத்தியுள்ளது. வெள்ளியங்கிரிக்கு கடந்த 2ம் தேதி சென்ற கோயில் காவலர், ஆறாவது மலை ஆண்டிசுனை தான்தோன்றி அருகே உள்ள சுயம்புவாக தோன்றிய விநாயகர் சிலை சேதம் அடைந்துள்ளதை பார்த்துள்ளார். பின்னர் மலையில் இருந்து கீழே இறங்கிய பின்னர், வனத்துறையினரிடம் இதுகுறித்து தகவல் அளித்துள்ளார். இதையடுத்து, மர்ம நபர்கள் சிலையை சேதப்படுத்தினரா? அல்லது வனவிலங்குகள் சேதப்படுத்தியதா? என்று வனத்துறையினர் விசாரணை நடத்தி வருகின்றனர்.