வேளாங்கண்ணி பேராலய ஆண்டு திருவிழா.. பாதுகாப்பு குறித்து ஆலோசனை கூட்டம்...

வேளாங்கண்ணி பேராலய ஆண்டு திருவிழாவை முன்னிட்டு, பக்தர்கள் பாதுகாப்பு கருதி செய்ய வேண்டிய முன்னேற்பாடுகள் குறித்த ஆலோசனை கூட்டம், நாகை மாவட்ட ஆட்சியர் அலுவலகத்தில் நடைபெற்றது. வேளாங்கண்ணி மாதா பேராலய திருவிழா வரும் 29ம் தேதி கொடியேற்றத்துடன் கோலாகலமாக துவங்குகிறது. 10, நாட்கள் நடைபெறும் திருவிழாவிற்கான பணிகள் அங்கு முழுவீச்சில் நடைபெற்று வருகின்றன. இந்நிலையில், திருவிழாவின் பாதுகாப்பு மற்றும் பக்தர்களுக்கு செய்ய வேண்டிய வசதி குறித்த ஆய்வுக்கூட்டம், நாகை மாவட்ட ஆட்சியர் ஜானி டாம் வர்கீஸ் தலைமையில் அங்குள்ள அலுவலகத்தில் நடைபெற்றது.