யார் பெருசுன்னு அடிச்சு காட்டு.. மாறிமாறி கோஷமிட்ட பாஜக vs காங். பரபரத்த நாகர்கோவில்

நாகர்கோவிலில் வந்தே பாரத் ரயிலை வரவேற்பதில் பாஜக - காங்கிரஸ் கட்சியனர் அத்துமீறியது தொடர்பாக ரயில்வே போலீசார் விசாரணை நடத்தி வருகின்றனர். சென்னை - நாகர்கோவில் இடையே வாரத்தில் 6 நாட்கள் வந்தே பாரத் ரயில் சேவையை பிரதமர் மோடி காணொலி காட்சி வாயிலாகத் துவக்கி வைத்த நிலையில் அந்த ரயில் நாகர்கோவில் ரயில் நிலையம் வந்த போது காங்கிரஸ் மற்றும் பாஜகவினர் குவிந்து போட்டி போட்டு முழக்கங்களை எழுப்பினர்... ரயில் நிலையத்தில் அனுமதி இன்றி கும்பலாகத் திரண்டது...கட்சிக் கொடிகளைப் பயன்படுத்தியது... பயணிகளுக்கு இடையூறு ஏற்படுத்தியது தொடர்பாக ரயில்வே போலீசார் விசாரணை மேற்கொண்டு வருகின்றனர். இதேபோன்ற சம்பவங்கள் தொடர்ந்து வருவதால் இதற்கு முற்றுப்புள்ளி வைக்க ரயில்வே போலீசார் திட்டமிட்டுள்ளனர்.