விழுப்புரம் மாவட்டம், விக்கிரவாண்டியில் தமிழக வெற்றிக் கழகத்தின் முதல் மாநாடு நடத்த அனுமதி மற்றும் பாதுகாப்பு கோரி மனு அளிக்கப்பட்டுள்ளது. அண்மையில் நடிகர் விஜய் தொடங்கிய தமிழக வெற்றிக் கழகம் கட்சியின் கொடி அறிமுக விழா சென்னையில் நடத்தப்பட்டது. இந்நிலையில், இக்கட்சியின் முதல் மாநாட்டை பிரம்மாண்டமாக நடத்த திட்டமிட்டுள்ளதாக தகவல் பரவி வந்தது. இதன்படி, விழுப்புரம் மாவட்டம் விக்கிரவாண்டியை அடுத்த வி.சாலை கிராமத்தில், செப்டம்பர் 23-ந் தேதி மாநாடு நடத்த திட்டமிடப்பட்டுள்ளதாகவும், அதற்கு பாதுகாப்பு மற்றும் அனுமதி கோரியும், அக்கட்சி சார்பில் மாவட்ட ஆட்சியர் மற்றும் மாவட்ட கண்காணிப்பாளர் அலுவலகங்களில் மனு அளிக்கப்பட்டுள்ளது.