சென்னையை சுத்து போடும் இருள்... உச்சகட்ட அலர்ட்... ஆணையர் அதிரடி உத்தரவு

சென்னையில் தண்ணீர் அதிகமாக தேங்கும் என கண்டறியப்பட்ட 50 இடங்களில் சிறப்பு கட்டுப்பாட்டு அறைகளை அமைக்க சென்னை மாநகர காவல் ஆணையர் அருண் உத்தரவிட்டுள்ளார். இது தவிர ஆயுதப்படையில் உள்ள பேரிடர் மீட்பு பயிற்சி பெற்ற 300-க்கும் மேற்பட்ட காவலர்களும் தயார் நிலையில் உள்ளதாகவும் தேசிய பேரிடர் மீட்பு படையினரை போன்றே சிறப்பு பயிற்சி பெற்ற காவலர்கள், 12 துணை ஆணையர் அலுவலகங்கள் 4 இணை ஆணையர் அலுவலகங்கள் ஆகியவற்றுக்கு தனித்தனியே பிரித்து அனுப்பப்பட்டுள்ளதாக தெரிவித்துள்ளார். மேலும் போலீஸ் நிலையங்கள் வாரியாக தனியாக கண்காணிப்பு குழுக்களும் நியமிக்கப்பட்டுள்ளதாக சென்னை மாநகராட்சி காவல் ஆணையர் கூறியுள்ளார்.