போலீசை தள்ளிவிட்டு கைவிலங்குடன் தப்பிய குற்றவாளி - திருப்பத்தூரில் பரபரப்பு

திருப்பத்தூர் மாவட்டம் ஆலங்காயம் அடுத்த பெத்தூர் பகுதியில் கடந்த 9 ஆம் தேதி ஆசிரியை வீட்டின் பூட்டை உடைத்து 80 சவரன் நகை மற்றும் 4 லட்சத்து 73 ஆயிரம் ரூபாய் ரொக்கப் பணம் கொள்ளையடிக்கப்பட்டது.

இது தொடர்பாக தனிப்படைகள் அமைக்கப்பட்டு கோமுட்டேரி பகுதியைச் சேர்ந்த பாபு மற்றும் கூவல்குட்டை பகுதியை சேர்ந்த சக்திவேல், வல்லரசு என்ற மூவரை போலீசார் கைது செய்தனர். இந்நிலையில், பாபு நகை புதைக்கப்பட்ட இடத்தை காண்பிப்பதாக தெரிவித்த நிலையில் கைவிலங்கிட்டு போலீசார், அதைத்து சென்றுள்ளனர். அப்போது, காவலர்களை தள்ளிவிட்டு கைவிலங்குடன் குற்றவாளி பாபு தப்பியோடியதால், போலீசார் மீண்டும் வலைவீசி தேடி வருகின்றனர்.