மீண்டும் திருட வந்த திருடன்...சூப்பர்வைசர் செய்த செயல்...வசமாக சிக்கிய ஹெல்மெட் மண்டையன்

விழுப்புரம் மாவட்டம் செஞ்சி அருகே தொடர்ந்து இரண்டாவது முறையாக டாஸ்மாக்கில் திருட வந்த கொள்ளையரை சிசிடிவி மூலம் போலீசார் கைது செய்தனர். செஞ்சி அடுத்த அன்னியூர் பகுதியில் உள்ள அரசு மதுபானக் கடையில், சுமார் 15 ஆயிரம் மதிப்புள்ள மதுபாட்டில்களை கடந்த ஆகஸ்ட் மாதம் மர்மநபர்கள் திருடி சென்றனர். இதனால், முன்னெச்சரிக்கையாக கடையின் மேற்பார்வையாளர் கடையில் சிசிடிவியை பொருத்தியிருக்கிறார். இந்நிலையில், கடந்த செப்டம்பர் மாதம் 6 ஆம் தேதி, தலையில் ஹெல்மெட் மாட்டிக்கொண்டு மர்மநபர் ஒருவர் கடையில் திருட முயன்றது சிசிடிவியில் பதிவாகியிருந்தது. விசாரணையில், புதுகருவாட்சி கிராமத்தை சேர்ந்த ரஞ்சித் என்பது தெரியவர, அவரை போலீசார் கைது செய்த நிலையில், இது தொடர்பான சிசிடிவி இணையத்தில் வெளியாகி பரவி வருகிறது.