மதுபோதையில் ரவுசு பண்ணிய சிறுவர்கள்..விசாரிக்க சென்ற SI-க்கு நேர்ந்த கதி...சென்னையில் பயங்கரம்

சென்னை ஆர்.கே. நகர் காவல் நிலையத்தில் பணிபுரியும் குற்றப்பிரிவு உதவி ஆய்வாளர் பாலமுருகன் என்பவர், ரோந்து பணியில் ஈடுபட்டிருந்தபோது, தண்டையார்பேட்டை ரயில்வே நிலையம் அருகே போதையில் இருந்த 6 சிறுவர்களை அழைத்து விசாரணை மேற்கொண்டார். அப்போது அந்த 6 சிறுவர்களும், காவல் உதவி ஆய்வாளர் பாலமுருகனிடம் வாக்குவாதத்தில் ஈடுபட்ட நிலையில், ஒரு கட்டத்தில் அவரை சரமாரியாக தாக்கியுள்ளனர். இதில், அவருக்கு, முகம், மூக்கு, காது, தலை உள்ளிட்ட பகுதிகளில் காயம் ஏற்பட்டது. தகவல் அறிந்து வந்த போலீசார், காவல் உதவி ஆய்வாளரை மீட்டு, மருத்துவமனையில் அனுமதித்தனர். இந்த சம்பவம் தொடர்பாக 4 சிறுவர்களை போலீசார் பிடித்து விசாரணை நடத்தி வரும் நிலையில், தப்பியோடிய 2 சிறுவர்களை தேடி வருகின்றனர்.