இரவில் பயங்கர ஆயுதத்தோடு சுற்றிய மர்ம கும்பல் - விசாரணையில் அம்பலமான திடுக்கிடும் சதி திட்டம்

சிங்கம்புணரியில், 7 பேர் கொண்ட கும்பல், சங்தேகத்திற்கு இடமளிக்கும் வகையில் இரவில் சுற்றி வருவதாக போலீசாருக்கு தகவல் கிடைத்துள்ளது. இந்நிலையில், அரசினம்பட்டி அருகே உள்ள கண்மாயில் மது அருந்தி கொண்டிருந்த 7 பேரை போலீசார் சுற்றி வளைத்தனர். இதில், சிறுவன் உட்பட ஐவரை போலீசார் கைது செய்த நிலையில், இருவர் தப்பியோடினர். விசாரணையில், கொள்ளையடிப்பதற்காக பயங்கர ஆயுதங்களுடன் சதி திட்டம் தீட்டியது தெரியவந்தது. தொடர்ந்து, தீவிர விசாரணை நடத்தி வரும் போலீசார், தலைமறைவாக உள்ள இருவரை வலை வீசி தேடி வருகின்றனர்.