நடுஇரவில் திடீரென அலறல் சத்தம் - உடம்பில் பற்றிய தீ - விசாரணையில் திக் திக் மதுரையில் அதிர்ச்சி
மதுரை மாவட்டம் திருமங்கலத்தை அடுத்து உள்ள தென்பழஞ்சியை சேர்ந்தவர் முருகன். மனைவி மற்றும் குழந்தைகள் அருகில் உள்ள கோயில் திருவிழாவுக்கு சென்றதால், வேலை முடித்து வந்த முருகன் வீட்டின் வெளியே படுத்து தூங்கி இருக்கிறார். அப்போது திடீரென அலறல் சத்தத்துடன் உடம்பில் தீ பற்றி நிலையில் முருகன் தெருவில் ஓடியது அதிர்ச்சியை ஏற்படுத்தி இருக்கிறது. முருகனை மீட்டு அக்கம் பக்கத்தினர் மருத்துவமனையில் சேர்த்த நிலையில், ஆபத்தான நிலையில் சிகிச்சை பெற்று வருகிறார். இது தொடர்பாக விசாரணை நடத்திய போலீசார் அதே பகுதியை சேர்ந்த கண்ணன் என்பவரை கைது செய்தனர். விசாரணையில், முருகனுடன் ஏற்பட்ட முன் விரோதம் காரணமாக நண்பர்களுடன் சேர்ந்து பெட்ரோல் வெடி குண்டு வீசியதாக தெரிவித்து இருக்கிறார். இது தொடர்பாக மேலும் இருவரை போலீசார் தேடி வருகின்றனர்