தனியே இருந்த பெண் தொழிலதிபருக்கு நேர்ந்த அதிர்ச்சி... சில மணி துளிகளில் மாயமான தங்கம், வைரம்

தஞ்சாவூரில் பெண் தொழிலதிபரை தாக்கி, வீடு புகுந்து 20 லட்சம் மதிப்பிலான நகைகள் கொள்ளையடிக்கப்பட்ட சம்பவத்தில் ஆறு பேரை போலீசார் கைது செய்தனர்.

தஞ்சாவூர், அருளானந்த நகர் பகுதியை சேர்ந்தவர் சேதுக்கரசி. 70 வயதான இவரை, கடந்த ஆகஸ்ட் 16 ஆம் தேதி மர்மநபர்கள் வீடு புகுந்து தாக்கி, சுமார் 20 லட்சம் மதிப்பிலான தங்க மற்றும் வைர நகைகளை கொள்ளையடித்து சென்றனர். இது குறித்து தனிப்படை அமைத்து விசாரணை நடத்தி வந்த போலீசார், சம்பவத்தில் ஈடுபட்ட கொள்ளையர்கள் ஆறு பேரை கைது செய்திருக்கின்றனர்.

ஆறு பேரும் சுமார் 20க்கும் மேற்பட்ட வீடுகளில் இதே பாணியில் கொள்ளையடித்திருப்பது தெரியவர, அவர்களிடம் இருந்து 20 லட்சம் மதிப்பிலான தங்க, வைர நகைகளை பறிமுதல் செய்து போலீசார் விசாரணை நடத்தி வருகின்றனர்.