சிறுமி கூட்டு பலாத்காரம்.. சுப்ரீம் கோர்ட் வரை சென்று அசிங்கப்பட்ட பரமக்குடி கவுன்சிலர்

போக்சோ வழக்கில் ஸ்ரீவில்லிபுத்தூர் நீதிமன்றத்தில் ஆஜரான பரமக்குடி கவுன்சிலருக்கு வரும் 25 ஆம் தேதி வரை நீதிமன்ற காவல் விதிக்கப்பட்டுள்ளது. பள்ளி சிறுமி கூட்டு பாலியல் வன்கொடுமை வழக்கில், பரமக்குடி நகராட்சி கவுன்சிலர் சிகாமணி உட்பட 5 பேர் போக்சோவில் சிறையில் அடைக்கப்பட்டனர். இதனிடையே, சிகாமணிக்கு ராமநாதபுரம் நீதிமன்றம் ஜாமின் வழங்கிய நிலையில், சென்னை உயர்நீதிமன்றம் ரத்து செய்தது. இதை எதிர்த்து சிகாமணி தாக்கல் செய்த மேல் முறையிட்டு மனுவை விசாரித்த உச்சநீதிமன்றம், உயர்நீதிமன்ற தீர்ப்பை உறுதி செய்ததுடன், 3 வாரங்களுக்குள் ஸ்ரீவில்லிபுத்தூர் நீதிமன்றத்தில் சரணடைய சிகாமணிக்கு உத்தரவிட்டது. இந்நிலையில், நீதிமன்றத்தில் ஆஜரான கவுன்சிலர் சிகாமணியை, அக்டோபர் 25-ம் தேதி நீதிமன்ற காவலில் சிறையில் அடைக்க நீதிபதி உத்தரவிட்டார். மேலும், வழக்கில் குற்றம்சாட்டபட்ட 5 பேரும் வரும் 25-ம் தேதி ஆஜராக உத்தரவிட்டுள்ளார்.