பஸ் ஸ்டாண்டில் 20 பேரை கடித்து குதறிய தெருநாய் - அதிரடியாக களமிறங்கிய மருத்துவர்கள்

தந்தி டிவி செய்தி எதிரொலி... பஸ் ஸ்டாண்டில் 20 பேரை கடித்து குதறிய தெருநாய் - அதிரடியாக களமிறங்கிய மருத்துவர்கள்

கள்ளக்குறிச்சி மாவட்டம் திருக்கோவிலூர் நகராட்சியில், 30-க்கும் மேற்பட்ட தெருநாய்களைப் பிடித்து தடுப்பூசி போடும் பணி நடைபெற்றது.திருக்கோவிலூர் பேருந்து நிலையத்தில் தெருநாய் ஒன்றுக்கு வெறிபிடித்து 20க்கும் மேற்பட்ட நபர்களை கடித்துக் குதறியது. இச்சம்பவம் குறித்து உடனடியாக தந்தி டிவியில் செய்தி ஒளிபரப்பப்பட்டது. அதன் அடிப்படையில், திருக்கோவிலூர் நகராட்சியில் உள்ள சந்தைப்பேட்டை பகுதியில் முதற்கட்டமாக, 35 தெரு நாய்களை பிடித்து, ஆன்டி ரேபிஸ் எனப்படும் தடுப்பூசி செலுத்தும் பணியில் கால்நடை மருத்துவர்கள் ஈடுபட்டனர். இதேபோல், நகராட்சி எல்லைக்கு உட்பட்ட பகுதிகளில், சாலையில் சுற்றித்திரிந்த ஐந்து மாடுகள் பிடித்து வரப்பட்டு நகராட்சி அலுவலகத்தில் கட்டி வைக்கப்பட்டுள்ளது. அதன் உரிமையாளர்களுக்கு முதற்கட்டமாக எச்சரிக்கை நோட்டீஸ் வழங்க உள்ளதாக, நகராட்சி ஆணையாளர் தெரிவித்தார்.