வீட்டிற்குள் புகுந்த கும்பல் நடத்திய கொடூரம்..சிறுமி உட்பட குடும்பத்துக்கு நடந்த...!

காளையர்கோவில் அருகேயுள்ள கல்லுவிழி கிராமத்தில் இந்த சம்பவம் நடந்திருக்கிறது. சின்னப்பன் என்பவரது வீட்டிற்குள் அதிகாலையில் புகுந்த கும்பல், கொள்ளையடிக்க முயன்றிருக்கின்றனர். அப்போது, சத்தம் கேட்டு எழுந்த சின்னப்பனை கும்பல் சரமாரியாக தாக்கிய நிலையில், சின்னப்பனின் அலறல் சத்தம் கேட்டு எழுந்த ஒட்டுமொத்த குடும்பத்தினரையும் கொள்ளையர் கண்மூடித்தனமாக தாக்கியுள்ளனர். இதில், 10 வயது சிறுமி உட்பட ஐந்து பேர் படுகாயமடைந்து ரத்த வெள்ளத்தில் கிடந்த நிலையில், அவர்களை அக்கம்பக்கத்தினர் மீட்டு மருத்துவமனையில் அனுமதித்தனர். தகவலின் அடிப்படையில் சம்பவ இடத்திற்கு வந்த போலீசார், வழக்குபதிவு செய்து தீவிர விசாரணை நடத்தி வரும் நிலையில், 5 தனிப்படை அமைத்து கொள்ளை கும்பலை தேடி வருகின்றனர்