சிவகங்கை மாவட்டம், காளையார்கோவில் அருகே மறவமங்கலம் ஊராட்சி ஒன்றிய தொடக்கப்பள்ளி உள்ளது. இப்பள்ளியில் மாணவர்களை கவரும் விதமாக வகுப்பறைகள் ரயில் போன்ற தோற்றத்தில் வண்ணம் தீட்டி உள்ளனர். அதோடு வகுப்பறையின் கதவுகள், ஜன்னல்கள் அனைத்தும் நிஜ ரயிலை போன்றே வடிவமைத்ததோடு மறவமங்கலம் எக்ஸ்பிரஸ் ரயில் என முன் பக்கத்தில் எழுதப்படிருப்பது காண்போரை ரசிக்க செய்துள்ளது. இதனால் மாணவ, மாணவியர்கள் ஆர்வமுடன் பள்ளிக்கு வருவதுடன் நிஜ ரயிலில் உட்கார்ந்து பாடம் படிப்பது போன்று உணர்வதாக தெரிவித்துள்ளனர்.