வேலூரில் உள்ள அரசுப் பள்ளியில் மோட்டார் பழுதானதால் கழிவறைக்கு மாணவ மாணவிகளே தண்ணீர் சுமந்து செல்லும் அவல நிலை உருவாகியுள்ளது...
குடியாத்தம் அடுத்த வீரி செட்டி பள்ளி கிராமத்தில் அமைந்துள்ள அரசு உயர்நிலைப் பள்ளியில் மின் மோட்டார் பழுதானதால் கடந்த சில நாட்களாக பள்ளிக்கு தண்ணீர் விநியோகம் செய்ய முடியாமல் போன நிலையில், கழிவறைக்கு பள்ளியின் அருகில் உள்ள விவசாய நிலத்தில் இருந்து மாணவ மாணவிகள் சீருடையுடன், வகுப்பு நேரத்தில் தண்ணீர் சுமந்து செல்லும் வீடியோ காட்சிகள் சமூக வலைதளங்களில் அதிகம் பரவி வருகின்றன. தேர்வெழுத வந்த மாணவர்கள் குடங்களையும், வாளிகளையும் தூக்கிக் கொண்டு தண்ணீர் சுமந்து சென்ற நிலையில், உடனடியாக பள்ளிக்கு தண்ணீர் விநியோகம் செய்ய அதிகாரிகள் நடவடிக்கை எடுக்க வேண்டும் என பெற்றோர்களும் ஊர் மக்களும் கோரிக்கை விடுத்துள்ளனர்.