அதிமுக கொடியுடன் காய் நகர்த்தல்..கூடிய ஆதரவை பார்த்து திகைத்த சசிகலா - பரபரப்பில் அரசியல் களம்

அதிமுக கொடியுடன் காய் நகர்த்தல்..கூடிய ஆதரவை பார்த்து திகைத்த சசிகலா - பரபரப்பில் அரசியல் களம்

இன்று முதல் சுற்றுப் பயணத்தை தொடங்க உள்ள வி.கே.ச‌சிகலாவுக்கு தென்காசியில், அதிமுக கொடியுடன் ஆதரவாளர்கள் உற்சாக வரவேற்பு அளித்தனர்.தமிழகம் முழுவதும் உள்ள தனது ஆதரவாளர்கள் மற்றும் பொதுமக்களை சந்திப்பதற்காக, வி.கே.ச‌சிகலா இன்று முதல் சுற்றுப்பயணம் மேற்கொள்ள உள்ளார். தென்காசியை அடுத்த காசி மேஜர்புறம் பகுதியில் இருந்து தனது பயணத்தை ச‌சிகலா தொடங்குகிறார். இதற்காக, மதுரையில் இருந்து தென்காசி நகருக்கு வி.கே.ச‌சிகலா காரில் வந்தார். அப்போது, 50க்கும் மேற்பட்ட கார்களில் ஆதரவாளர்களும் வந்தனர். தென்காசி நகரில், ச‌சிகலாவை வரவேற்க அதிமுக கொடிகள் கட்டப்பட்டிருந்தன. ஈனா விலக்கு பகுதியில் கொட்டும் மழையை பொருட்படுத்தாமல் காத்திருந்த ஆதரவாளர்கள், செண்டை மேளங்கள் முழங்க ச‌சிகலாவை வரவேற்றனர். அவருக்கு, மாலை, பொன்னாடைகளை பரிசாக வழங்கினர்.