சுதந்திர தினத்தை முன்னிட்டு... முக்கிய இடங்களில் குவியும் போலீஸ் - ஹை அலர்ட்டில் தமிழகம்

சேலம் ரயில்வே சந்திப்பில், வெடிகுண்டு கண்டுபிடிப்பு மற்றும் செயலிழப்புப் பிரிவு போலீசார் மெட்டல் டிடெக்டர் கருவி மூலம் பார்சல்கள், பயணிகளின் உடமைகளை தீவிரமாக சோதித்தனர்.

நெல்லை சந்திப்பு ரயில் நிலையத்தில் ரயில்வே பாதுகாப்பு படை போலீசாரும், ரயில்வே போலீசாரும் இணைந்து, மோப்பநாய் உதவியுடன் சோதனையில் ஈடுபட்டனர்.

இராமேஸ்வரத்தில் உள்ள பாம்பன் ரயில் பாலத்தில் போலீசார் சோதனை மேற்கொண்டனர். அதனைத்தொடர்ந்து, துப்பாக்கி ஏந்திய மூன்றடுக்கு போலீசார் பாலத்தில் தீவிர பாதுகாப்பு பணியில் ஈடுபட்டுள்ளனர்.

இதேபோல், திருச்சி சர்வதேச விமான நிலையத்தில், ஐந்தடுக்கு பாதுகாப்பு ஏற்பாடு செய்யப்பட்டுள்ளது. தீவிர சோதனைக்கு பின்னர் பயணிகள் பயணம் செய்ய அனுமதிக்கப்பட்டனர்.