கன்னியாகுமரி மாவட்டம், அகஸ்தீஸ்வரத்தில் பா.ஜ.க சார்பில் நடைபெறும் தேர்தல் பிரச்சார பொதுக்கூட்டத்தில் பிரதமர் நரேந்திர மோடி நாளை (15ம் தேதி) காலை கலந்து கொள்கிறார். இதனையொட்டி நகரெங்கும் ஐந்து அடுக்கு போலீஸ் பாதுகாப்பு போடப்பட்டு, கண்காணிப்பு பணி தீவிர படுத்தப்பட்டு வருகிறது. இந்நிலையில், கடலோர பாதுகாப்பு குழும போலீஸ் கூடுதல் இயக்குனர் சந்தீப் மீட்டல் தலைமையில் கடலோர பாதுகாப்பு குழும போலீசார் நான்கு அதிநவீன ரோந்து படகுகளிலும் இரண்டு விசைப்படகுகளிலும் கடலில் தீவிர ரோந்து பணியில் ஈடுபட்டு வருகின்றனர். கடலில் வரும் படகுகளை சோதனை இட்டு, கண்காணிப்பு பணியில் தீவிரமாக ஈடுபட்டு வருகின்றனர்.