"கல்குவாரி ரகசியம்...தனித்தனி வீடியோ கால்" - நெல்லையை பரபரப்பாக்கிய திருநங்கைகள் வீடியோ...

நெல்லை மாவட்டத்தில் காவல் நிலையத்தை திருநங்கைகள் முற்றுகையிட்ட சம்பவம் குறித்து விவரிக்கிறது இந்த தொகுப்பு...

கல்குவாரிகளில் மாமூல் வாங்குவதை தொடர்ந்து பல இடங்களில் போலீசார் அத்துமீறுவதாக பகீர் குற்றச்சாட்டுக்களை திருநங்கைகள் முன் வைத்தனர்

இது மட்டுமல்லாமல் ஒவ்வொரு திருநங்கைகளிடம் போலீசார் அத்துமீறி வருவதாகவும் குற்றம் சாட்டினர்

எங்கே நடந்த போராட்டம் இது ?

நெல்லை மாவட்டம் பணகுடி போலீசார் இரவு வாகன தணிக்கையில் ஈடுபட்டனர். அப்போது நான்கு வழிச்சாலையில் இரு சக்கர வாகனங்களில் செல்வோரை பாலியல் தொழிலுக்கு அழைத்து திருநங்கைகள் பல்வேறு அத்துமீறலில் ஈடுபடுவதாக அடிக்கடி போலீசாருக்கு புகார்கள் வந்தன..

இதனைத் தொடர்ந்து அந்த பகுதிகளில் நின்று இருந்த திருநங்கைகளை போலீசார் கலைந்து போகச் சொல்லி இருக்கின்றனர். அப்போது போலீசாருக்கும் திருநங்கைகளுக்கும் தகராறு ஏற்பட்டு இருக்கிறது.

இதனால் ஆத்திரமடைந்த 50க்கும் மேற்பட்ட திருநங்கைகள் பணகுடி காவல் நிலையத்தை முற்றுகையிட்டு போராட்டம் நடத்தினர். இதனால் காவல்நிலையத்தில் போலீசாருக்கும் திருநங்கைகளுக்கும் தகராறு ஏற்பட்டது. மேலும் திருநங்கைகள் காவல்நிலையத்தில் உள்ள பொருட்களை அடித்து உடைத்துச் சேதப்படுத்தியதாக கூறப்படுகிறது.இதனால் ஆத்திரமடைந்த போலீசார் திருநங்கைகள் மீது லத்தி சார்ஜ் செய்ததால் திருநங்கைகள் சிதறி ஓடினர்.

புகார் அளிக்க வந்த தங்கள் மீது போலீசார் லத்தியால் தாக்கியதாகக் குற்றச்சாட்டுக்களைத் திருநங்கைகள் முன் வைத்தனர். இந்த சம்பவம் தொடர்பாக காவல்துறை அதிகாரிகள் விசாரணை நடத்தி வருகின்றனர்.