நெல்லையை நடுங்க வைத்த கொலை.. "உடலை வாங்க மாட்டோம்".. ஸ்தம்பிக்க வைத்த உறவினர்கள்.

நெல்லை, கேடிசி நகரில்... பிரபல ரவுடியான தீபக் ராஜாவை அவரது வருங்கால மனைவி கண்முன்னே 6 பேர் கொண்ட கும்பல் வெட்டிக் கொன்ற சம்பவம் பெரும் பரபரப்பை ஏற்படுத்தியது. சம்பவம் குறித்தான சிசிடிவி வெளியாகி பரபரப்பை மேலும் கூட்டிய நிலையில், விசாரணையை துரிதப்படுத்தி இருக்கும் போலீசார், கொலையாளிகளை வலை வீசி தேடி வருகின்றனர். இந்நிலையில், பலத்த போலீஸ் பாதுகாப்புடன் நெல்லை அரசு மருத்துவனையில் தீபக் ராஜாவின் உடற்கூராய்வு நடந்து முடிந்த நிலையில், கொலையாளிகளை கைது செய்யும் வரை உடலை வாங்க மாட்டோம் எனக்கூறி உறவினர்கள் தொடர்ந்து மறுப்பு தெரிவித்து வருகின்றனர். இந்நிலையில், காவல்துறை மற்றும் வருவாய்துறை அதிகாரிகள் தீபக்ராஜாவின் உறவினர்களிடம் பேச்சுவார்த்தை நடத்தி வருகின்றனர்.