லேடிஸ் காலேஜில் தெறித்த இளைஞரின் ரத்தம் - வீடியோ காலில் வெளியான அதிர்ச்சி தகவல்
கல்லூரியில் வணிகவியல் துறையில் வகுப்பறையில் சில நாட்களுக்கு முன்பு ரத்த துளிகள் கண்டுபிடிக்கப்பட்டது அதிர்ச்சியை ஏற்படுத்தியது. இதுகுறித்து முதல்கட்டமாக ஆய்வு செய்த கல்லூரி முதல்வர் பேட்டை காவல் நிலையத்தில் புகார் கொடுத்தார். இதுகுறித்து விசாரித்த போலீசார், ரத்த மாதிரிகளை ஆய்வுக்கு அனுப்பினர். அதில் ரத்தம் மனித ரத்தம் என தெரியவந்ததும் கல்லூரி பேராசிரியர்களிடம் விசாரித்தனர். எந்த துப்பும் கிடைக்காத சூழலில் அங்கு கட்டிட வேலை செய்து வந்த காரைக்குடியை சேர்ந்த இளைஞர் விக்னேஷ் மீது சந்தேகம் எழ அவரை கூப்பிட்டு விசாரித்தனர். அப்போது கோவையை சேர்ந்த பெண்ணை விக்னேஷ் ஒருதலையாக காதலித்ததும், சம்பவத்தன்று பெண்ணிடம் வீடியோ காலில் பேசிவிட்டு, அவர் காதலை ஏற்காததால் கையை அறுத்துக் கொண்டதும் தெரியவந்தது. போலீசாரை பதற்றத்தில் சுத்த வைத்த சம்பவத்தில் இளைஞரை போலீசார் கைது செய்தனர்.