குப்பையை தரையில் வீசிய பா.ஜ.க தொண்டர்... யோசிக்காமல் உடனே நிர்மலா சீதாராமன் செய்த செயல்

மாமல்லபுரத்தில், நட்சத்திர ஹோட்டலில் பா.ஜ.க. பிரமுகர் தரையில் வீசிய குப்பையை மத்திய அமைச்சர் நிர்மலா சீதாராமன், எடுத்து தொட்டியில் போட்ட சம்பவம் பா.ஜ.க.வினரிடையே நெகிழ்ச்சியை ஏற்படுத்தியது. ராஜபாளையத்தை சேர்ந்த தொழிலதிபரின் இல்லத் திருமணம் மாமல்லபுரத்தில் உள்ள நட்சத்திர ஹோட்டலில் நடைபெற்றது. இதில் பங்கேற்ற பா.ஜ.க. பிரமுகர்கள் நினைவுப்பரிசு வழங்கிய நிலையில், பா.ஜ.க. தொண்டர் ஒருவர், கிப்ட் கவரை பிரித்து நடைபாதையில் போட்டுள்ளார். இதனைக் கண்ட நிர்மலா சீதாராமன், அவரை கண்டித்து அறிவுரை கூறி, அந்தக் குப்பையே தானே எடுத்து குப்பைத் தொட்டியில் போட்டது, அங்கிருந்தவர்களிடையே நெகிழ்ச்சியை ஏற்படுத்தியது.