போலீசாரை தாக்கிய சி.ஆர்.பி.எப் வீரர்... மதுரையில் பரபரப்பு
மதுரை சோழவந்தான் அருகே ரோந்து பணியில் ஈடுபட்டிருந்த போலீசாரை மது போதையில் தாக்கிய சி.ஆர்.பி.எப் வீரர் உள்ளிட்ட மூவரை போலீசார் கைது செய்துள்ளனர்.
பாலமேடு காவல் நிலைய சார்பு ஆய்வாளர் கண்ணன் மற்றும் காவலர் மதுசூதனன் உள்ளிட்ட இருவர் மதுரை - திண்டுக்கல் தேசிய நெடுஞ்சாலையில் உள்ள திருவாளவாயநல்லூர் கிராமத்தில் ரோந்து பணியில் ஈடுபட்டிருந்தனர். அப்போது சாலையில் அமர்ந்து மது அருந்தி கொண்டிருந்த மூன்று இளைஞர்களை போலீசார் கண்டித்ததும் அவர்களுக்கு இடையே வாக்குவாதம் ஏற்பட்டுள்ளது. இதில் அந்த இளைஞர்கள் போலீசாரை தாக்கியுள்ளனர். தகவலறிந்து வந்த சோழவந்தான் போலீசார் மூன்று இளைஞர்களையும் கைது செய்தனர். இதில் அலெக்ஸ் பாண்டியன் சென்னை ஆவடியில் சி.ஆர்.பிஎப் வீரராக பணிபுரிந்து வருவது பின்னர் தெரியவந்தது.