தமிழகத்தையே உலுக்கிய OMR 5 பெண்கள் மரணம் - நேரில் பார்த்தவர்கள் சொன்ன திடுக் தகவல்

திருப்போரூரை அடுத்த பண்டிதமேடு பகுதியில் அப்பகுதியைச் சேர்ந்த பெண்கள், ஓ.எம்.ஆர். சாலையில், சாலையோரம் அமர்ந்து ஆடு மேய்த்துக் கொண்டிருந்தனர். அப்போது, சென்னையில் இருந்து மாமல்லபுரம் நோக்கி சென்று கொண்டிருந்த கார், அவர்கள் மீது மோதியதில், ஆந்தையா, விஜயா, கௌரி, லோகம்மாள், யசோதா ஆகிய 5 பெண்களும் உடல் நசுங்கி பரிதாபமாக உயிரிழந்தனர். இந்த விபத்து செய்தியை அறிந்து அங்கு திரண்ட உறவினர்களும், ஊர் மக்களும் விபத்தை ஏற்படுத்திய காரில் வந்த 2 இளைஞர்களை பிடித்து தர்ம அடி கொடுத்து போலீசில் ஒப்படைத்தனர். பிடிபட்ட இருவரும் மது போதையில் இருந்ததாக கூறப்படுகிறது.