மதுரையில்... வழிப்பறி, கொலை, கொள்ளை போன்ற குற்றச் சம்பவங்களில் ஈடுபடுவதற்காக கையில் வாளுடன் சுற்றித்திரிந்த நபர்களை போலீசார் கைது செய்தனர். மதுரை மாநகரத்தில் கடந்த சில தினங்களாக குற்றச்சம்பவங்கள் தொடர்ந்து நடைபெற்று வந்த நிலையில், மாநகர காவல் ஆணையர் அறிவுறுத்தலின் படி போலீசார் ரோந்து பணியில் ஈடுபட்டு வந்தனர். இந்நிலையில், கையில் பட்டா கத்தியுடன் மதுரை தெப்பக்குளம், கீரைத்துறை போன்ற பகுதிகளில் சுற்றித்திருந்த எட்டு பேரை கைது செய்த போலீசார், அவர்களிடம் இருந்து ஆயுதங்களை பறிமுதல் செய்து சிறையில் அடைத்தனர்.