"2 கோடியோடு ரவுண்டானால இருக்கனும்.. இல்லனா உன் பையன பிணமா தான் பார்ப்ப" - நெஞ்சை பதறவைக்கும் ஆடியோ

மதுரையில் பட்டப்பகலில் சிறுவன் கடத்தல்.."2 கோடியோடு ரவுண்டானால இருக்கனும்.. இல்லனா உன் பையன பிணமா தான் பார்ப்ப" - நெஞ்சை பதறவைக்கும் ஆடியோ

மதுரையில் 14 வயது சிறுவனை கடத்திய கும்பல், 2 கோடி ரூபாய் பணம் கேட்டி மிரட்டிய ஆடியோ வெளியாகி பரபரப்பை ஏற்படுத்தி இருந்த நிலையில், இருவரை பிடித்து போலீசார் விசாரணை நடத்தி வருகின்றனர்.மதுரை எஸ்.எஸ் காலனியை சேர்ந்தவர் மைதிலி. கடன் தொல்லையால் இவரது கணவர் தூக்கிட்டு தற்கொலை செய்து கொண்டார். இதனிடையே, மைதிலிக்கு சொந்தமாக மதுரை பைபாஸ் ரோடு பகுதியில் காம்ப்ளக்ஸ் மற்றும் வீடுகள் உள்ளதாக கூறப்படுகிறது. இந்நிலையில், அருகில் உள்ள தனியார் பள்ளியில் ஏழாம் வகுப்பு படித்து வந்த மைதிலியின் மகனை, சம்பவத்தன்று ஆட்டோவில் பள்ளிக்கு சென்று கொண்டிருந்த போது, கும்பல் ஆட்டோ ஓட்டுநருடன் கடத்திச் சென்றது. தொடர்ந்து ஆட்டோ ஓட்டுநரின் செல்போன் மூலம் சிறுவனின் தாயரை தொடர்பு கொண்ட கும்பல், சுமார் 2 கோடி ரூபாய் பணம் கேட்டு மிரட்டல் விடுத்த நிலையில், அந்த ஆடியோ வெளியாகி பெரும் பரபரப்பை ஏற்படுத்தியது.