எச்சில் இலையில் உருண்டு நேர்த்திக்கடன்.. 9 ஆண்டுகளுக்கு பின் நடந்த வினோதம்

உயர்நீதிமன்ற கிளை தடை நீக்கியதை அடுத்து, நெரூர் சித்தர் சதாசிவ பிரம்மேந்திராள் கோயிலில், எச்சில் இலையில் உருண்டு பக்தர்கள் நேர்த்திக் கடன் செலுத்தினர். சதாசிவ பிரம்மேந்திராளின் 110 வது ஆண்டு ஆராதனை நிகழ்ச்சி விமரிசையாக நடைபெற்றது. அப்போது, முக்கிய நிகழ்வாக எச்சில் இலையில் பக்தர்கள் உருளும் நிகழ்ச்சி 9 ஆண்டுகளுக்குப் பிறகு நடைபெற்றது. பக்தர்களுக்கு அன்னாதானம் முடிந்த‌தும், சாப்பிட்ட இலைகளை எடுக்காமல், அதன் மேல் பக்தர்கள் உருண்டு நேர்த்திக்கடன் செலுத்தினர்.