வாலாஜாபாத் அருகே காணாமல் போன இளைஞர் பாலாற்று ஓடையில் மண்ணில் புதைந்த நிலையில் சடலமாக மீட்கப்பட்டார்.காஞ்சிபுரம் மாவட்டம் ஐயன்பேட்டை கிராமத்தை சேர்ந்த 21 வயது இளைஞர் தனுஷ், கடந்த ஆறாம் தேதி இரவு கடைக்கு செல்வதாக கூறி வீட்டை விட்டு சென்றவர் மாயமானார். இதுகுறித்து தனுஷின் பெற்றோர் காவல்நிலையத்தில் புகார் அளித்த நிலையில், கோயம்பாக்கம் பாலாறு ஓடை பகுதியில் மண்ணில் புதைந்த நிலையில் சடலம் கிடப்பதாக கிராம நிர்வாக அலுவலருக்கு தகவல் கிடைத்துள்ளது. இதன்பேரில் சம்பந்தப்பட்ட இடத்திற்கு சென்று சடலத்தை மீட்ட போது, இறந்தவர் தனுஷ் என்பது தெரியவந்தது. இதனையடுத்து தனுஷ் கொலை செய்யப்பட்டாரா என்ற சந்தேகத்தில் போலீசார் தீவிர விசாரணை நடத்தி வருகின்றனர்.