அரசு பள்ளிக்கு திடீர் விசிட் .. திடீரென டீச்சராக மாறிய கலெக்டர் - பார்த்து அசந்துபோன டீச்சர்ஸ்
காஞ்சிபுரம் அரசுப் பள்ளிக்கு ஆய்வுக்கு சென்ற மாவட்ட ஆட்சியர், அறிவியல் ஆசிரியராக மாறி மாணவர்களுக்கு பாடம் சொல்லி கொடுத்தார். காஞ்சிபுரம் மாவட்டம் வாலாஜாபாத் தாலுகாவில் உள்ள தேவரியம்பாக்கம் கிராமத்தில் செயல்பட்டு வரும் ஊராட்சி ஒன்றிய தொடக்கப்பள்ளிக்குச் சென்ற மாவட்ட ஆட்சியர் கலைச்செல்வி மோகன், பள்ளி மாணவர்களிடம் கல்வியின் தரத்தை அறிந்து கொள்ளும் வகையில் பல்வேறு கேள்விகளை கேட்டார். பள்ளி குழந்தைகள் பதில் அளித்த நிலையில், திடீரென அறிவியல் ஆசிரியராக மாறிய அவர் கோள்கள் குறித்தும், பூமி சூரியனை சுற்றுவது குறித்தும் எளிமையான முறையில் பாடம் நடத்தி அசத்தினார்.