பள்ளி வாகனம் கவிழ்ந்து விபத்து.. மாணவர்களின் நிலை? வெளியான அதிர்ச்சி சிசிடிவி காட்சி

கள்ளக்குறிச்சி மாவட்டம் சின்னசேலம் அருகே தனியார் பள்ளி பேருந்தை கவிழ்த்து விபத்தை ஏற்படுத்திய ஓட்டுநரை போலீசார் கைது செய்துள்ளனர். மாணவர்களை ஏற்றிக் கொண்டு அதிவேகமாக வந்த அந்த பேருந்து, சின்னசேலம் செல்லும் பிரிவு சாலையில் வளைவில் திரும்பும்போது, ஓட்டுனரின் கட்டுப்பாட்டை இழந்து சாலையில் கவிழ்ந்து விபத்துக்குள்ளானது. இந்த விபத்தில், பத்துக்கும் மேற்பட்ட மாணவர்கள் காயமடைந்த நிலையில், மாணவி ஒருவரின் தந்தை அளித்த புகாரின் பேரில், பேருந்து ஓட்டுனர் மணிகண்டனை கைது செய்துள்ளனர். இந்நிலையில், சாலை வளைவில் பேருந்து கவிழ்ந்த சிசிடிவி காட்சி வெளியாகி உள்ளது.