தமிழ்நாட்டில் பல்வேறு பகுதிகளில் தேர்தலை புறக்கணிக்கப்போவதாக மக்கள் எச்சரித்துள்ளனர்.
விழுப்புரம் அருகே ஜானகிபுரம் ரயில்வே கேட் திறக்க வலியுறுத்தி ஜானகிபுரம், கண்டமானடி பகுதி மக்கள் வீடுகளில் கருப்பு கொடி ஏற்றி எதிர்ப்பை பதிவு செய்தனர். நடவடிக்கை எடுக்காவிட்டால் தேர்தலை புறக்கணிப்போம் எனவும் அறிவித்துள்ளனர்.
ஒசூர் தேன்கனிக்கோட்டை அருகே குள்ளட்டி, கவுனுார், தொட்டதேவன அள்ளி உள்ளிட்ட மலை கிராமங்களில் பல ஆண்டுகளாக சாலை வசதி இல்லாததால், தேர்தலை புறக்கணிக்க போவதாக கிராம மக்கள் தெரிவித்துள்ளனர்.
கும்பகோணம் அருகே கொரநாட்டு கருப்பூர் கிராமத்தில் வாக்குச்சாவடி மாற்றம் செய்யப்பட்டதை கண்டித்து தேர்தலை புறக்கணிக்கப்போவதாக மக்கள் அறிவித்துள்ளனர்.